Awaz k hamrah sarapa bhi to dekhoon
Ae jane-sakhan! Mai Tera chehra bhi to dekhoon

Dastak to kuch aisi hai k Dil chhune lagi hai
Is Habs mai Barish ka yeh Jhonka bhi to dekhoon


Sehraa ki Tarha rehte hoye thak gayi Aankhein
Dukh kehta hai’ ab Mai koi darya bhi to dekhoon


Yeh kya k wo jab chahey Mujhe chheen le Mujh se
Apne lye wo Shakhs Tarapta bhi to dekhoon


Ab tak to Mere shair Hawale rahe Tere
Ab Mai Teri Ruswai ka charcha bhi to dekhoon


Ab tak jo Sarab aaye Anjane mai aaye
Pehchane hoye Raston ka Dhoka bhi to dekhoon