Duniya ko jiski chand si soorat se pyar hai
Mujhko to uski soch ki wussat se pyar hai

Uski muhabbaton ki nahi shart ya talab
werna tou har kisi ko zaroorat se pyar hai

Aye kash zindagi tere khuwabon mein kaat ta
Mein kya karoon keh mujhko haqeeqat se pyar hai

Barh kar kisi ke husn-e-ada rang-o-roop se
Humko kisi ke tarz-e-muhabbat se pyar hai

Majnoo ka sab khuloos hai mere mizaaj mein
Sehra se mujhko uns hai wehshat se pyar hai

Zafar Alam Khan <zafar@pathfinder9.com>