pastiyoN me.N kho gaya hai aadmi
kitnaa chhota ho gaya hai aadmi

sarhado.N me.N baNt kar saNsaar ko
zahar is me.N bo gaya hai aadmi

har qadam ik mas.alaa dar pesh hai
mas.aloN me.N kho gaya hai aadmi

hiNdu-o-muslim na eesaee hua
kya kahe.N kya ho gaya hai aadmi

is liye haiwaniyat ka zor hai
aadmi me.n so gaya hai aadmi

yaad-e-yar-emehrbaN aaee hai jab
badloN sa ro gaya hai aadmi
Ravi Kant Anmol

Do join my group on poetry at
This group is available at
<http://in.groups.yahoo.com/group/poetry_lovers123/join>

U can c official site of this group at
<http://paigaam.tripod.com>