jaise sooraj kee gamree se jalate huye tan ko mil jaaye taruwar kee chhaayaa
ayesaa hee sukh mere man ko milaa hain main jab se sharan teree aayaa,
mere raam

bhatakaa huaa meraa man thaa koee, mil naa rahaa thaa sahaaraa
laharon se ladtee huyee naaw ko jaise mil naa rahaa ho kinaaraa
us ladakhadaatee huyee naaw ko jo kisee ne kinaaraa dikhaayaa

sheetal bane aag chandan ke jaisee, raaghaw kariapaa ho jo teree
ujiyaalee poonam kee ho jaaye raaten, jo thee amaawas andheree
yug yug se pyaasee marubhoomee mein jaise saawan kaa sandes paayaa

jis raah kee manjil teraa milan ho, us par kadam main badhaoo
fulon mein khaaron mein, patazad bahaaron mein, mai naa kabhee dagamagaaoo
paanee ke pyaase ko takadeer ne jaise jee bhar ke amariat pilaayaa